قورخماز ائل؛ دانلود آهنگ قورخماز ائل برهان آلپ

شاعر :حمید حضرتی
قورخماز ائلیم قورخمازلیگدا آدینگ وار
شأَنلی تورک تاریخیندا یادینگ وار
ظولم اَلیندن چوخ مصافدا دادینگ  وار
نه ایچین یازیلمامیش خوش داسِتانینگ(۲)بار

چوخ دوشمنی بؤ اؤلکه ده یان وئردینگ
قاریش قاریش تورپاغیندا جان وئردینگ
بیر ائلیدینگ بئش مینگ جاهال قان وئردینگ
ایندی هانی ائلیم شهرینگ اوستانینگ؟ (۲بار)

سَسَلن ائلیم  قؤیما  سَسینگ بوغولا
هارایلا تا سندن ائگید دوغوللا
ناقاببل جان وئردم ائلیم ساغ اولا
آدیسان آچار دیر قاشقایستان ینگ(۲بار)

دَنگیزدن سامانا بٌلداجلی ائلیم
هَفتکِلدَن شِشده یه قولاجلی ائلیم
دینادان  هایقیره  قیقاجلی ائلیم
یئنگیدن  یاراداگ  تر  گولستان ینگ(۲بار)

­——————————-
شاعر :آرسلان میرزایی

قشقایی یِئری هانی؟
بختیمینگ اوزو قارا
راوینینگ سؤزه قارا
ایفتیخارلی آدیم یوخ
تاریخینگ اوزو قارا

بو داغینگ کؤلگه سی یوخ
ائلیمینگ هئچ کَسی یوخ
آرخاسیزام اولکه سیز
ائلیمینگ هئچ کَسی یوخ

جئیرانینگ چؤلوهانی؟
بولبولونگ گولو هانی؟
بیر سؤروشونگ تاریخدان؛
قاشقایی یئری هانی؟

قاشقایی ائلی هانی؟
شام چاغی، آیی هانی؟
بو اولکه نقشه سینده
قاشقایی قایی هانی؟

داغلارینگ شئری هانی؟
بیر باخ سن گئری، هانی؟
ایرانینگ نقشه سینده
قاشقایی یئری هانی؟

بو اولکه نقشه سی سینده
قاشقایی یئری هانی؟
سَسَلن ائلیم  قؤیما  سَسینگ بوغولا
هارایلا تا سنن ائگید دوغوللا
ناقاببل جان وئردم ائلیم ساغ اولا
ناقابیل جان وئردم ائلیم ساغ اولا

بایداق