خانه / ایران / «گونش امانی»دن اوشاقلاری‌نین توتوقلانماسی ایله باغلی آچیقلاما

«گونش امانی»دن اوشاقلاری‌نین توتوقلانماسی ایله باغلی آچیقلاما

«گونش امانی»دن اوشاقلاری‌نین توتوقلانماسی ایله باغلی آچیقلاما

بو آداملار یا دوشمن‌دیرلر و یا نادان یولداش

رحمتلیک مهندس امانی‌ نین 10- نجو ایل دؤنومونون آردینجا، مجازی فضادا امیر و آراز امانی‌نین امنیت قوه‌لری طرفیندن توتوقلانماسی و ساخلانماسی گئنیش صورتده مجهول‌الهویه کانال¬لار و شخص‌لر طرفیندن یاییملاندی و گینه ده یاییلماقدادیر.!!

افراددان هر نیّته و هر آماج اوچون ایذینسیز اولاراق ابزاری استفاده ائلمه‌یین اخلاقسیزلیق و سوچ اولدوغونا ایناناراق، و بو چیرکین عملی- هر کیمین طرفیندن اولور اولسون- قینایاراق، رحمتلیک غلامرضا امانی‌نین حیات یولداشی، خانیم گونش امانی‌دن موضوعو آچیقلاماسینی ایسته دیک.

خانیم امانی لوطفن یاییلان بو شایعاتا گؤره بیزی بیلگی‌لندیرین و اؤز مواضعیزی بو قونودا ائلیمیزه آچیقلایین.
اولورسا آقای امیر امانی و آرازین دا نظرینی قیساجا بیلمک ایستردیک.

سلام و سایقی‌لاریمی بوتون عدالت و حق‌سئور اینسان¬لارا سونورام.
سیزدن بو اوزوجو و اخلاق‌سیز ایشی آراشدیریب، حقیقتین آردینجا اولدوغوزدان تشکر ائدیرم.
تاسف‌له بو گونکو دوروم‌دا، هامی اؤز آماج‌لارینا چاتماق اوچون بیر وسیله آختاریر.

من بو گونه کیمی مجازی فضادا یاییملانان هئچ بیر سؤزه، بئله بیر اورتام‌لاری رسمیته تانیمادیغیم اوچون، جواب وئرمه‌میشم. اگر بیری دوزگون اینسان اولسا، یالان آدلارین آرخاسیندا گیزله‌نه‌رک، چیرکین ایش‌لرینی دوام ائتمز.

بو کئچمیش گون‌لرین اولای‌لارینا، ایلک اؤنجه امنیتی نیرولارین سهوی اساس‌دا قصاص قبل از جنایت ائتمکلری سبب اولوب. امیر امانی (مهندس امانی‌نین قارداشی اوغلو) و آراز، ایل دؤنوموندن بیر گون قاباق، قبیرلری تمیزلمک و یازی‌لارینی تازالاتماق اوچون گئتمیش‌دیلرکی، توتوقلانیب، ۴-۳ ساعات سورغو- سوالا چکیلندن سونرا ائوه دؤندولر. آنجاق بو ایش بیر ۱۲ یاشیندا اوشاغا، او دا آتاسی‌نین مزارینی تمیزلمک اوچون باش وئرمه‌سی چوخ اخلاق‌سیز بیر ایش دیر.
و ایندی بیر عده‌نین بو جریاندان اصطلاحا موج سواری ائتمک‌لری، موقعیت‌دن اؤزلرینین اؤزل منفعت¬لرینه گؤره سوء استفاده ائتمه‌لری هئچ جوره منه قبول اولاسی دئییل. بو آدام¬لار یا دوشمن‌دیرلر و یا نادان یولداش. بو آدام-لار بیلمیرلر اینسان¬لاردان ابزاری ایستفاده ائتمک سون درجه ده شرف‌سیز لیک دیر. بیر اوشاغین شکیلینی بیر تشکیلاتین بایراغینا سالیب، اونا سیاسی آنلام باغیشلاییب اوشاغین چهره‌سینی بیر کذایی سیاسی اورتام‌دا گؤسترمک اخلاق سیزلیغین سون درجه‌سی دیر.

بو آداملار بیلسین‌لر کی بیز امانی عائله‌سی بو کذب ایش¬لرین آردینی توتوب، فتا پلیسی واسطه‌سی ایله بونلارین کیملیگینی تاپیب اعاده‌ی حیثیت ائلییه جاغیق.
اینسان¬لارین خصوصی حریمی‌نین حفظ اولماغی اونلارین ان ایلکین حاقی‌دیر و بو حقی سیندیران¬لار کیم اولور اولسون جواب وئرمه‌لی دیرلر. توتالیم بو، ایندی اولسون، یا بیر گون زمان سورجینده، و یا حتی محکمه¬ی عدل الهی ده…

آرازین نظریزی سوروشساز، بیزیم ائویمیزه دوست آدی ایله گلیب- گئدن‌لرین هامیسی بیلیرلر کی، من اوشاغی بئله مسائله قاتمارام. من بو مجازی فضادا اولان سؤزلری اوشاغا دئمه‌میشم. لازم ده گؤرمورم! بیلیرسیز او بیر اوشاق دیر، اوشاق!

امیر امانی دئییر: بیر دلی قویویا بیر داش سالار، مین عاغیل‌لی اونو چیخاردا بیلمز. بو ایش بورا چاتمامالی ایدی. بیزیم عائله‌دن اوچ نفر بیر گونده دونیاسینی دییشیب، بیز هر ایل اونلارا مراسیم توتمالییق، عمی‌مین ده قوناق‌لاری بیزیم قوناغیمیز دیر، آنجاق بیری ایسته‌سه خانواده حریمینه گیره و بیزیم اوشاق‌لاری لازم اولمایان مساله‌لره درگیر ائلییه، بیزیم شدید برخوردوموزو گؤره جک.

دانیشیغی حاضیرلایان: سوسن نواده رضی

این مطلب را شیر کنید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *