گونئی آذربایجانین فاجعه‌سی – گیزله‌دیلن تاریخ | سایت خبری تحلیلی بایداق
خانه / تورکجه / گونئی آذربایجانین فاجعه‌سی – گیزله‌دیلن تاریخ

گونئی آذربایجانین فاجعه‌سی – گیزله‌دیلن تاریخ

گونئی آذربایجانین فاجعه‌سی – گیزله‌دیلن تاریخ
گونئی آذربایجان تاریخینین ان مورکب، حادثه‌لرله زنگین، عینی زاماندا ان چوخ تحریف ائدیلمیش دؤورلریندن بیری ده بیرینجی دونیا ساواشی و اوندان سونراکی ایللردیر. بو دؤور دونیادا اولدوغو کیمی جنوبی آذربایجاندا دا کسکین دؤنوشلرین باش وئردیی و عیبرت درسی آلینماسی باخیمیندان چوخ واجیب‌دیر.
کولت. آذ خبر وئریر کی، بوگوندک همین فاجیعوی دؤور حاقدا کیفایت قدر یازیلسا دا، فارس ضیالیلاری بو فاکتلاری بویکوت ائتمیش، گؤرمزدن گلمیشلر. بو قانلی حادثه‌لره ایشیق توتان اساس قایناقلاردان بیری رحمت اله خان موتمدولووزارانین گونده‌لیکلری اساسیندا ترتیب ائدیلن «اورمو دونیانی یاندیران محاربه‌ده» اثری‌دیر. مؤلف بحث اولونان دؤورده ایران خاریجی ایشلر ناظیرلیینین اورموداکی یئرلی ایداره‌سینده چالیشیب، گؤردوکلرینی قلمه آلیب. کاوه بیات ایسه ۲۰۰۰-۲۰۰۱-جی ایللرده بو قئیدلری کیتاب حالینا سالیب.
بو دیرلی گونده‌لیک اورموداکی تاریخی فاجعه‌لریمیزی دونیایا چاتدیرماق یولوندا اوزسیز خزینه‌دیر. بو قانلی ایللرده ۲۰۰ مین آزربایجانلینین قانی تؤکولوب، خاطره‌لردن سیلینیب.
اوزون ایللر آمئریکادا یاشایان ضیالیمیز، گونئی آذربایجانین لاییقلی اوغلو احمد اوبالینین گؤستردیی مالییه و معنوی دستک حسابینا بو کیتاب عرصه‌یه گلیب. کیتابی داها گئنیش اوخوجو آودیتورییاسینا تانیدیب، خالقیمیزین قان یادداشینی خاطیرلاماق مقصدیله آتاتورک مرکزینده «اورمو دونیانی یاندیران محاربه‌ده» اثرینین تقدیمات مراسیمی کئچیریلدی. تدبیره قاتیلان ضیالیلار، علم خادیملری، همچینین وطن‌ده سفرده اولان احمد اوبالی گونئیلی قارداشیلاریمیزین حیات کیتابینین ان غمگین صحیفه‌لرینی واراقلادیلار.
ایلک چیخیشچی میللت وکی‌لی، آکادمیک نظامی جفروو قوناقلاری سالاملادیقدان سونرا تورک دؤولتلری و اونلارین بوگونکو پرسپکتیویندن بحث ائتدی. او، “اورمو” دئدییمیز اورمییا تورپاغینین شومر دؤوروندن اوزو بری موکمل مدنیت مرکزی اولدوغونو وورغولادی. بو اراضی عصرلر بویو اؤز گوجونو قورویوب، ساخلاییب. میللت وکیلی همچینین بیلدیردی کی، موستقیللییمیزه یئنی قوووشاندا اورمو فاجعه‌سی حاقدا معلوماتلار، یازیلی منبع‌لر آز اولسا دا، بو غون تاریخیمیز کیفایت قدر تبلیغ اولونور.
میلت وکی‌لی صابیر روستمخانلی دا کیتابلا یاخیندان تانیش اولدوغونو و گونئیلی قارداشلاریمیزین فارسلارین تکذیب ائتدیی فاجعه‌سینی اورک آغریسی ایله دیله گتیردی. آذربایجانین مدنی و سیاسی مرکزی اولان ایروانا ارمهیلرین یئرلشدیریلمه‌سی و خالقیمیزین سیخیشدیریلیب، دوغما یوردون‌دان زورلا چیخاریلماسینی یادا سالدی. بو گون قونشو اؤلکه‌لرین اراضیسی ساییلان ایراوان کیمی شهرلریمیزین تاریخیندن بحث ائتدی.
احمد اوبالی ایسه چیخیشیندا ارمنیلرین تؤرتدیی جینایتلردن دونیانین خبردار اولاجاغینی بیلدیردی.
اینانیریق کی، گونئی آذربایجان تاریخینین بیرینجی دونیا محاربه‌سی دؤورونه ایشیق سالان بو کیتاب اوخوجولارین دقتینه سبب اولاجاق.

0
0
این مطلب را شیر کنید

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

81 + = 85