خانه / تورکجه / دیلیمیز میلی وارلیغیمیزین سیمگه سی دیر

دیلیمیز میلی وارلیغیمیزین سیمگه سی دیر

تورک دیلینین رسمی اولاراق مدرسه و بیلیم یوردلاریندا اؤیره نیلمه سی و میلی کیملیییمیزین تثبیتی و حاکمیت طرفیندن رسمیته تانینماسی اوچون توپلومسال بیر حرکتین اولوشومو و وار اولماسی لازیمدیر .

بیر ایستک و مطالبه توپلوم طرفیندن جیدی ، سوره کلی و اورقانیزه اولاراق مطالبه اولونمورسا دئمک کی او مطالبه صیرف سؤز سویه سینده اولاراق قالاجاقدیر.

حاکمیت ایسه صیرف سؤز حدینده اولان بیر غیر جیدی مطالبه یه هئچ واخت اؤنم وئرمز.

بو گون بیزیم میلی کیملیییمیزین تمل عنصرلریندن اولان تورک دیلیمیزین دورومو هئچ ده یاخشی دئییل. دیلیمیزه بیلیمسل ، اداری و رسمی آلانلاردا هئچ بیر یئر وئریلمیر.

رسمی آلانلاردا قوللانیلمایان بیر دیل ایسه هئچ واخت، باشقا دیللرین هجومو قارشیسیندا دیره نه بیلمز.

زامان سوره سینده رسمی اولمایان بیر دیل، رسمی اولان بیر دیلین قارشیسیندا دیره نجینی ایتیریب و محو اولا بیلر. بونون اوچون ده تورک دیلی حتا وار ایندیکی سیستئم ده بئله اؤزونه رسمی بیر موقعیت و قونوم قازانماق مجبوریتینده دیر.

بونا گؤره ایسه توپلومسال، هر یؤنلو، قاپساملی ، سیستئماتیک و آردیجیل بیر حرکت لازیمدیر.

میلی اؤنجوللریمیز و مرجع قروپلاریمیز بو حیاتی قونونو بیر آن اؤنجه لازیم اولان بیر بیچیمده توپلوما سونمالی و میلتیمیزین بو قونودا جیدی اولاراق دسته یینی قازانمالی دیرلار.

حاشیه لر و ضررلی قونولار بیر آن اؤنجه بیر کنارا بوراخیلمالی و مدنی بیر چرچیوه ده میلتیمیز دیلیمیزین رسمیلشمه سی و اجباری اولاراق مدرسه و بیلیم یوردلاریندا دیلیمیزین قرامئر و قایدا لارینا اویغون تدریس و تحصیلی اوچون سفربر ائدیلمه لی دیر.

بوتون مسوللار ، میلت طرفیندن سورغو سؤالا چکیلیب و باسقی آلتینا آلینمالی دیر.

تورک دیلیمیز میلی وارلیغیمیزین بایراقچیسی اولاراق تانیتدیریلمالی و میلی کیملیییمیزین اؤلوم_دیریم مسئله سی کیمی باخیلمالی دیر.

دیلیمیز اوچون میلتیمیزی سفربر ائده بیلمه سک ، دیلیمیزله بیرگه میلی وارلیغیمیز و میلی کیملیییمیز ده محو اولماغا محکوم اولاجاقدیر.

دیلی محو اولان بیر توپلوم ایسه بیر جماعته چئوریلیب و میلت اولدوغونو درک و قبول ائده بیلمز.

میلی وارلیغیمیزین دیرچه لیشی و شاهلانماسینین یولو، دیلیمیزین یاشامیمیزین هر یؤن و قاتینی قاپساییب و سئرویس وئرمه سیندن آسیلی دیر.

بونا گؤره ده اؤنجوللریمیز بیر آن اؤنجه بوتون گوجلری ایله میلتیمیزله ایلگی یه کئچیب و میلتیمیزی، دیلیمیزین اؤنمی، دورومو و ماهیتی قونولاریندا بیلگی لندیرمه لی دیرلر.

این مطلب را شیر کنید

Check Also

تصمیم اشتباه مبنی بر تخریب مسیر راه آهن و هدایت سیل به یک شهر دیگر

به گزارش «سایت خبری تحلیلی _ بایداق »  حسن روحانی رئیس جمهور ایران، در جلسه …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن