خانه / تورکجه / گنجلر ،دیکتاتور و آزاد سیستئمده اونلارا باخیش فرقی.

گنجلر ،دیکتاتور و آزاد سیستئمده اونلارا باخیش فرقی.

گنجلر بیر میلتین تکجه گلجه یی یوخ ،همده بو گونودورلر. اونلارین ایستک و آماجلاری وار اولان توپلومون گلیشمه سینین و یئنی دؤنملره کئچمه سینین ان اؤنملی دینامیکلری حساب اولونماقدادیر .بیر چوخ دیکتاتور سیستئم گنجلری اؤز ایستک و ایدئولوژی سی اوچون هر زامان سفربر ائتمه یه چالیشیر. بونا گؤره ده گنجلرین نه ایسته دیکلری یوخ ،سیستئمین گنجلردن ایستک لرینه اؤنم وئریلیر. بو ابزاری باخیش ایسه گنجلری دائما سیستئمین عسگرلری کیمی گؤروب و سونوجدا هر زامان گنجلرین یئنی لیک ،ده ییشیم و آزادلیق ایستکلرینی باسدیراراق ،گنجلرین گنجلییی نی محو ائتمه یی آماجلاییر. بونون سونوجو ایسه گنجلیک روحوندان یوخسون بیر توپلوم و وار شرایطه هر زامان راضی اولان بیر جمعیت یارانیر.
بئله بیر توپلوم محافظه کار بیر روح و دوشونجه یه تسلیم اولاراق ،یئنی لیک و ده ییشیم ایستک و روحونو ایتیره رک دورغون بیر میلته چئوریلیر. سونوجدا یئنی لییه قارشی هر زامان جبهه آلاراق ،باشقالاری ایله قارشی دورماق مجبوریتینده قالیر. گنجلییی ،یاشلیلار کیمی یاشاماغا ،دوشونمه یه و داورانماغا محکوم ائدن سیستئملر ،داها تئز قوجالماغا و تحرکونو ایتیرمه یه ده محکومدورلار. اونا گؤره ده بئله سیستئملرده ،گنجلیک ،گنجلره ان بؤیوک سوچ کیمی گؤرونمک ده دیر.
باغلی و استبدادی سیستئم لر هر زامان گنجلییی باسدیریب و سوسدورماغا چالیشیب اونلارین سسلرینی بوغماقدا اصرارچی دیر. بو ایسه گنجلرین هر گون داها چوخ دستک و ماراغینی ایتیرمک دئمک دیر.
دئموکراتیک سیستئملر و آزاد توپلوملار ایسه ،گنجلرین ایستک ،ماراق،استعداد و یاشام بیچیملرینی رسمیته تانیییب و گنجلری توپلومون بیر اوزانتی سی کیمی یوخ توپلومون تام حقوقلو فردلری کیمی گؤروب ،ده یرلندیریرلر. اونا گؤره ده گنجلر توپلومون ده ییشیم و آزادلیق ایسته ین اؤنجوللری و فعال لاری کیمی فعالیت ائدیب و توپلوما بؤیوک یئنی لیک لر و آزادلیق لار قازانیرلار. بئله بیر سیستئملر گنجلری مانع و سورون کیمی یوخ ،بلکه توپلومون بیر پارچاسی و توپلون هر زامان یئنی لییی ایسته ییب و قازانان مکانیزمینین روحو و صاحیبی کیمی گؤرورلر.
باشقا سؤزله دئییلسه دیکتاتور سیستئملر گنجلری معضل کیمی گؤروب و گنجلری سیستئمین ابزارینا چئویرمک ایسته ییرلر. آزاد سیستئملر ایسه گنجلری و گنجلییی و اونلارین ایستک ،ماراق و وارلیقلارینی رسمیته تانیییب و گنجلری ،گنج کیمی یاشاییب و یاشاتماغا چالیشیرلار.

این مطلب را شیر کنید

Check Also

قاشقایی و اونون فولکلورو

کتاب قاشقایی و اونون فولکلورو به معنی قاشقایی و فولکلورش نام کتابی ایست که توسط …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن