خانه / تورکجه / “من” ،یوخسا “بیز”؟

“من” ،یوخسا “بیز”؟

هر بیر حرکتده، او حرکتین ماهیتی و کیفیتی او حرکتده ائتگیلی اولان و بو حرکته اؤنجوللوک ائدن فردلرین دوشونجه، بیلیم، داورانیش و تحلیل ماهیتیندن و کیفیتیندن آسیلی دیر. نه قدر بیر حرکته اؤنجوللوک ائدن شخصلر گوجلو و باجاراجاقلی اولورلارسا، او حرکته جذب اولانلار و او حرکت چرچیوه سینده فعالیت گؤسترن لرین ایشلری هم گوجلو، هم ائتگیلی اولاجاقدیر.
شخصی منفعتلر و ائقودان اوزاق، اوزه یسل (سطحی) و یونگول دوشونجه و داورانیشا بولاشمایان، یالنیز وطن و میلتینین آزادلیق و قورتولوشونو آماج سئچن شخصلرله بیر حرکت زمانین آغیر_یونگول شرایطینده ایره لی لیه بیلر.
کیچیک حسابلار، شخصی ماراق و منفعتلر، روحی خسته لیک دن کؤکله‌نن ائقولار، باخیش دارلیغی، گؤروش کورلوغو، دوشونجه یوخسوللوغو و “من” فاکتورونون، “بیز” فاکتورونا اوستون گلمه سی هر زامان حرکتلری یا محو ائتمیش دیر یا انحرافا چکمیشدیر.
اگر من لر دن بیر یئرده بیز یارانمیرسا و یا بو من لر عالی هدف لر و آماجا خیدمت ائتمیرسه دئمک کی، بو من لر باشقا شئی لره اؤرنه یین شخصی منفعتلره خیدمت ائتمک ده دیرلر.
هر بیر حرکتین توتوم و داورانیشیندا، آماجلار، آراجلار و یول خریطه سی اؤنملی ساییلماقدادیر . بونلار هئچ واخت شخصه گؤره ده ییشیلمز، تام ترسینه شخصلر بو فاکتورلارا اویغون اولاراق سئچیلر و یئتیشدیریلر. یئتیشن شخصلر ایسه بو حرکته یعنی آماج، آراج و یول خریطه سینه اویغون چالیشیرلارسا دئمک دوغرو بیر سیستئم قورولوب. ترسی حالدا فلج بیر سیستئم و یا وئریمسیز بیر قورولوشلا طرفیک.
بونا گؤره ده هم سیستئمین قورولوش فاکتورلارینی همده او سیستئمه جذب اولونوب اونونلا ایش بیرلیی آپارانلارین سئچیلمه سینده نه قدر دیقت گوستریلیرسه او قدر اؤنملی دیر.

بو یازگی “آیدینلیق” تلگرام کانالیندان آلیندی.

این مطلب را شیر کنید

Check Also

قاشقایی و اونون فولکلورو

کتاب قاشقایی و اونون فولکلورو به معنی قاشقایی و فولکلورش نام کتابی ایست که توسط …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن