خانه / تورکجه / قیساجا سیامک میرزایی نین حاققیندا / سعید صادقی فر

قیساجا سیامک میرزایی نین حاققیندا / سعید صادقی فر

گاماج:میللی دوشونجه یه مالک اولان هر بیر اینسان دوستاغا دوشدوک دن سونرا یالنیز جیسمی ایسارتده اولور آنجاق دوستاق، اونون روحونا آصلا توخانا بیلمیر، اونون روحو ایسارت ده دئیل و همشه آزاد یاشاییر .میللی دوشونجه یه صاحیب اولان ، کیملیگین آختاران ، هر بیر ( میللتچی ) اولا بیلسین کی بیر آیاغی زینداندا و بیر آیاغی ایسه ائشیکده دیر.طبیعی اولاراق هامی آزاد یاشامی سئویر و هئچ کیم ایسارت ده قالماغی سئومیر ، آنجاق تاسفله بعضی تبعیض لره و عدالت سیزلیکلره قارشی دورماق سونو زیندانا باغلی اولمالیدیر.بو یازی نین آردین توتماق ایسته سک سیامک میرزایی بو چاغدا ان اویغون اورنک اولا بیلر. دئمک سیامک اوز میللتی ایله برابر یاشاماسایدی اونلارلا برابر تبعیض لری دادماسایدی و بعضی یوخسوللوقلارا ، آجیلیقلارا شاهید اولماسایدی بو گونکوسیامک میرزایی اولا بیلمز ائیدی .بوزامان سیامک منیم، سنین و بوتون دیل داشلاریمیزین حق وعدالت سسی دیر .او همشه چالیشیب اورگشسین و اویرتسین.من کئچمیشده اونا بیر اویرنجی اولاراق اونون قوردوغو دیل ، تاریخ و باشقا ایجتیماعی قونولاردا اولان کیلاس لاریندان داها آرتیق یارارلانیب و دئییمی یئرینده ایسه حظ ائتمیشم.سیامکین دوشونجه سینده و یازیلاریندا “آنا دیلی” اساس یئری توتور دئمه لی بوتون هویت طلب لر (میللتچی) ،عدالت سیزلیک ، تبعیض لر و… قارشیسیندا دوران اینسانلار اوز کئچمیش ،دیل ، کولتور(فرهنگ) و … دیرچه لتمه سینه چوخ جهد گوسترملی دیلر.بئله دئمه لییه م: او کیمسه لر کی وطن اوغروندا توتوقلانیب ، زیندان چکیب،سورگون دوشوب ، نهایت جاندان کئچیب و شهادت درجه سینه نائیل اولورلار ،آذربایجانین تاپدالانمیش بیر مدنیت ینین اویاق ویجدانی دیرلار.سیامکین دوشونجه سی نین چرچیوه سی نی اولوشدوران آنا دیلی،آنا یورد،عدالت لی یاشام، تبعیض و یوخسوللوغا قارشی دویوش و آزاد تفکر دن باشقا بیر شئی دئیل.سیامکین یازیلارین،شعرلرین، مقاله لرین اوخودوقجا و مراسیم لرده ،توپلوملاردا،تویلاردا و … اونون دانیشیغلارینا شاهید اولوب و دینله دیکجده آدام حقیقتا ماراغلانیربو اینسانلا داها یاخیندان تانیش اولسون.بو موباریز گوجلو بیر تفکره صاحیب اولماسینا راغمن میللتین اسکی دردین مخاطب لرینه عملی یوللارلا چاتدیریر.
سیامک هر زامان دوستاقدان زنگ آچاندا مثبت انرژی بوراخیر و من اونون سسین تلفون دالیندان ائشیدنده خاص بیر انرژی آلمیش اولورام. حقیقتا بو آدام فرقلی بیر اینسان دیر بوتون آزادلیق طلب ائدن موباریز لرین ایلک صفینده اولانلار کیمی.سیامکین موباریزه روحیه سی تکجه ائشیکده یوخ بلکه دوستاقدا دا داوام ائدیر او ایچریده هم اوخویور هم ده یازیر ، و بو قونو دوشمانلارین ضعیف نقطه سینه چئوریلیب .سانکی زیندان اونا بیر اوجا و تانینمیش تپه دیر بو آیتئمی ده سووشدوروب یاواش – یاواش آشیب و اوتایا کئچملی دیر.

تانری نین امید ایله تئزلیکله سیامک میرزایی نین بوراخیلما و وطن قوجاغینا قاییتماق خبرین ائشیدک.
سوزومه بو جمله دن سون قویماق ایسته ییرم:
“زیندانلاردان آزادلیغا دوغرو یول آچمالییق”

این مطلب را شیر کنید

Check Also

دوازدهمین روز اعتصاب غذای سیامک میرزایی در بازداشتگاه ۲۰۹ زندان ائوین

به گزارش «سایت خبری تحلیلی _ بایداق »‌  در پی مخالفت مقامات قضایی با آزادی …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن