خانه / تورکجه / صنم عبدالعظیم زاده؛ آزربایجانین ینگی اولدوزو

صنم عبدالعظیم زاده؛ آزربایجانین ینگی اولدوزو

صنم عبدالعظیم زاده ۱۳۶۲ -نجی ایلده تبریز شهرینده دونیایا گؤز آچدی. آتاسی، یوسف عبدالعظیم‌زاده، بسته کار و آکاردئون سازینین اوستادی، صنمین ایلک موسیقی و پیانو معلیمی ساییلیر.
۱۳۷۸دن، صنم پیانو و موسیقی تئوری‌لرینی اوستاد فریدون پورناصح جنابلاری ایله اؤیرنمه‌یه باشلادی.
۱۳۸۲ -نجی ایلده، «تبریزین سمفونی کروسونا» قاتیلاراق سولفژ درسلری آلماغا باشلادی.
عینی زماندا، اوشاقلار و یئنی یئتمه‌لرین فیکری تربیه‌سی اوجاغی(کانون پرورش فکری کودکان و نوجوانان) طرفیندن حاضیرلانان سی‌دی‌ده بیر نئچه آذربایجان فولکلور ماهنی‌سینی «سولو» اولاراق اوخویوب، ضبط ائله‌ییب، یایینلاندی.
۱۳۸۴ -نجی ایلده، «تهران کنسئرواتوآریندا» اؤیرنجی اولماغی قازاناراق، تبریزین ارکستر سمفونیکینده اولان چالیشمالارینا سون وئردی.
صنمین چالیشدیغی موسیقی سبکی، «جاز و بلوز» دور. یئنی سبک یانی: Fusion یا تلفیقی موسیقی سبکینده – چئشیدلی موسیقی طرزلری بیر آرایا گتیرمک – قونوسوندا دا، یئنی آددیملاری آتاراق اوغورلو چالیشمالاری اولوبدور ( اؤزللیکله جاز – موغام و راک – موغام).
صنم گوجلو سسی ایله تورک، فارس و انگیلیس دیللرین‌ده ماهنیلاری سسلندیریر.
ایراندا محدودیت و سینیرلامالار اوزریندن، بیر قادین «سولو خواننده سی»اولاراق صحنه‌یه چیخابیلمه‎مه‎سی اوچون، بو صنعتکار اؤزل اولاراق موسیقی درسلری وئریب و اؤیرنمه‌یه مشغول اولدو.
بو صنعتکار ۱۳۹۱ -نجی ایلین ایسفند آییندا ایلک کنسرتین ایستانبول شهرینده صحنه‌یه چیخارتدی.
حال حاضیرده، صنم تورکیه‌یه داشینیب و اورادا یئنی سبکلرده چالیشان موسیقی‌چیلرله امکداشلیق ائدیب، یئنی سی‌دی و کنسرتلره حاضیرلانیر.
ایپک یولو سسلری باشلیقی ایله باشلایان CNN آدلی بیر مقاله ده کی ۵ نفر آسیالی یئته نک لی موسیقی چی‌لر قازاغیستان، ایمارات، هیند ، چین و صنم عبدالعظیم زاده ایراندان اولدوقونو بیلدیرتمی.

 

این مطلب را شیر کنید

Check Also

تیم بسکتبال توفارقان به دلیل تبعیضات سیستماتیک فدراسیون ایران از لیگ بسکتبال کنار کشید

تیم بسکتبال «توفارقان» آذرشهر به دلیل تبعیضات سیستماتیک فدراسیون بسکتبال ایران بر علیه این تیم …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن