خانه / تورکجه / دئموکراتیک بیر سیستئم، دئموکراتیک جمعیت دن آسیلی دیر.

دئموکراتیک بیر سیستئم، دئموکراتیک جمعیت دن آسیلی دیر.

بیر چوخونون دوشوندویو کیمی دئموکراسی و دئموکراسی یه کئچیش بیر پروژه دئییل، بیر پروسئسسدیر. بونا گؤره ده دئموکراتیک کولتور و دئموکراتیک ذهنیت گره کلی گورونمکده دیر. نه قدر کی توپلومون فردلری و اؤنجوللرینده دئموکراتیک ذهنیت یوخدورسا، دئموکراسی یه ساری گئدیش آخساق، سورونلو و سونوجسوز اولاراق قالاجاقدیر.
گلیشمه میش توپلوملارین اساس سورونو ایسه اونلاری دئموکراسی شعاری آلتیندا بیرلشدیرن اؤنجوللرین اؤزلرینین دئموکرات اولماماسی دیر. بئله توپلوملاردا دئموکراسی نین هم دیر_دوشونجه همده داورانیش_بیچیم حالیندا درک اولونمازلیغی و دئموکراسینی آماج دئییل هر زامان آراج اولاراق گؤروب و دیرلندیریلمه سی بؤیوک سورون اولاراق وار اولدوغودور. دئموکراسی صیرف یؤنه تیم بیچیمی دئییل همده فردی و توپلومسال اولاراق یاشام بیچیمی دیر ده. بونو گؤرمه مک و یا گورمزدن گلمک، بیر دیکتاتورون یئرینه باشقا دیکتاتورون گلمه سی ایله سونوجلانان سیاسی حرکتلرین دائما خسران لا بیتمه سینی ساغلاییب دیر.
دئموکراسینی صیرف دؤولت یؤنه تیم بیچیمینه ائندیرگه مک و دئموکراتیک توپلومون یارانماسیندان واز کئچمک یا دا اونو گؤرمه مک، دئموکراسی تمللرینین هر زامان ضعیف اولماسی و دئموکراتیک سیستئمی فردلرین شخصیتینه و ماراقلارینا بوراخماق دئمک دیر. دئموکراتیک جمعیت اولمایان یئرده دئموکراتیک دؤولتین یارانماسی ایمکانسیزدیر. تام ترسینه دئموکراتیک بیر جمعیتین اولدوغو یئرده ایسه دیکتاتور بیر سیستئم یا قورولماز یا دا قورولسادا دوام گتیره بیلمز.
بونا گؤره ده دیکتاتور دؤولت و سیستئملر هر زامان تمللرینی، جمعیتین ایچینده یاشایان دیکتاتور ذهنیت و کولتور ایله بیرلشدیریب و بو تملین اساسیندا آیاق اوستونده دورا بیلیرلر.
بو گون آزربایجان میلی حرکتی، تورک میلتینده دئموکراتیک ذهنیت و کولتورون یاراتماسی ایله گؤره ولی دیر. میلی حرکتیمیز توپلومون باغریندان چیخدیغی اوچون توپلومدا دئموکراتیک دیرلر، دوشونجه لر و داورانیش بیچیمینی یاراتماق قابلیتینده بیر حرکت دیر. بونا گؤره ده هر زامان ایستک و آماجلاریندا دئموکراتیک، دیرلر و آماجلار باشدا اولمالی دیر.
ذهنی، فردی و جمعی دیکتاتورلوقدان اوزاق دئموکراتیک بیر اورتام یارانیب و زامانیندا آزربایجان دا بو سیستئملشه رک میلتیمیزه آزاد و دئموکراتیک بیر یاشامین تملینی قورا بیلر.
میلی اؤنجوللر ایسه میلی کیملیک، میلی حقوق، میلی حیات آماجی ایله بیرلیکده دئموکراتیک یاشام بیچیمینی ده ساوونوب و حیاتا کئچیرمه یینه چالیشمالی دیرلار.

این مطلب را شیر کنید

Check Also

قاشقایی و اونون فولکلورو

کتاب قاشقایی و اونون فولکلورو به معنی قاشقایی و فولکلورش نام کتابی ایست که توسط …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن