خانه / تورکجه / توپلوم ،یئنی قاوراملار و آیدینلار.

توپلوم ،یئنی قاوراملار و آیدینلار.

قاوراملارین یارانماسی او قاوراملاری یارادان شخصلره باغلی اولسادا، او قاوراملارین یایغینلاشماسی و منیمسنمه سی توپلومون شرایطینه یعنی، توپلومسال، سیاسال، اکونومیک و کولتورل ماهیت و اونلاردا یاشایان وار دوروما و ایستک_آماجلارینا باغلی دیر.

اؤرنه یین تام گلنک سل و محافظه کار بیر مرحله ده دایانان بیر توپلومدا بیریسل آزادلیقدان دانیشماق بعضا مومکون اولسادا، بو آزادلیغی منیمسه مک و بو قاورامین اطرافیان توپلانیب و اونون گئرچکلشمه سی اوچون سفر بر اولماق ایمکانسیزدیر.

بونا گؤره ده بیر چوخ آیدین، دوشونور زاماندان ایره لی دوشوندویو اوچون، اؤز توپلوملاریندا یالنیز قالیرلار و سسلری یا ائشیدیلمیر یادا ائشیدیلسه ده توپلوم طرفیندن اؤنم وئریلمیر.

بو سورونلا قارشیلاشان بیر چوخ آیدین، دؤولتی بیر آراج اولاراق قوللانیب دؤولت باسقی سی یولو ایله توپلومو گلیشدیریب و ایره لی آپارماغا جهد گؤستریر لر.

بو ایسه اوزون سوره ده توپلومدا بؤیوک سورونلار و بحرانلار یارادیب؛ دؤولت باسقی سی آرادان گئدن دن سونرا توپلوم یئنه ده اؤنجه کی قونومونا قاییدیب و گئری له ییر.

اونا گؤره ده دوشونجه و یاشام بیچیمینه دؤولتین قاریشماسی آرتیق بیر یالنیش حرکت اولاراق ده یرلندیریلمک ده دیر.

بونا آلتئرناتیو اولاراق توپلوملا ایلگیلی اولاراق قورولوشلار مئیدانا گیریب، توپلوملا فرقلی سیاسی، کولتورل، دوشونجه، ائکونومیک، خیریه، بیلیمسل آراشدیرما و… واسیطه و چالیشیقلاری ایله ایلگی قوروب توپلومدا ائتگی بوراخماغا چالیشیرلار.

دوغرودور بو ائتگی آلانینی یاراتماق و توپلومو فرد_فرد اولاراق گلیشدیریب و ایره لییه آپارماق چتین ایشدیر. آما بو ایشی مرجع قروپلاری یاراتماق یادا مرجع قروپلاری ایله ایش بیرلیی آپارماقلا راحتلشدیرمک مومکوندور.

بونا انرژی، زامان، اراده و عزم ایله بیرلیکده پروقرام، دؤزوم و اوزمانلیق دا گرکلی گؤرونمک ده دیر.

فوری و اؤلچولمه میش حرکتلر، شخصی مناسیبتلردن چیخیش ائتمک و سیستئماتیک داورانماماق بو ایشی چیخمازا سوروکله ییب و سونوجسوز بوراخان ائتکن لر اولاراق گؤرونمک ده دیر.

گلیشمیش بیر توپلوم اوچون، آیدین بیر دوشونجه ایله یاناشی گوجلو و هر یؤنلو حرکت ائتمک ده لازیم دیر. بونا گؤره ده توپلوملا قارشی دورماق یوخ توپلوملا بیرلیکده آددیم_آددیم ایره لی لمک و توپلوملا هر یؤنلو باغ قوروب و دیالوق ایچینده قارشیلیقلی آنلاییش گؤسترمک لازیمدیر.

توپلومون حساسیتلرینی، دینامبکلرینی، ایستک لرینی و یاشام بیچیمینی گؤز آردی ائده رک، تحکوم و باسقی یولو ایله ایش گؤرمه یه چالیشماق هر زامان مغلوبیت له سونوجلانان ایدئولوژی تمللی بیر یالنیش داورانیش بیچیمی دیر.

توپلومون هر زامان گلیشمه سی و ده ییشمه سی اورتا و اوزون سوره لی بیر پروسئسسدیر.

بو پروسئسی قیسا سوره لی بیر پروژه یه ائندیرگه مک ایسه ان بؤیوک و جبرانی مومکون اولمایان بیر یالنیش و ناشیلیقدیر.

یازار : آیدینلیق

این مطلب را شیر کنید

Check Also

قاشقایی و اونون فولکلورو

کتاب قاشقایی و اونون فولکلورو به معنی قاشقایی و فولکلورش نام کتابی ایست که توسط …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن