خانه / تورکجه / تورکچولوک و سیاست

تورکچولوک و سیاست

۳ مایس؛ تورکچولوک گونو ایفتیخارینه

تورکچولوک بیر اولکو، سیاست ایسه اقتدارا کئچمه تاکتیکاسی دیر. بو سببله بیر آنا اینانج و آنا دوشونجه اولان اولکو اصلا دییشمدیی حالدا, سیاست یعنی تاکتیکا هر زامان دییشیر.
اینسانلار اقتدارا کئچمک اوچون پارتییالار قوراراق چالیشیرلار. اقتدارا کئچمک سس قازانماقلا مومکون اولدوغو اوچون سس صاحبلرینین فیکرینی و کؤنلونو آلماغا چالیشیرلار. بونو تأمین ائتمک اوچون ایمتیازلار وئریرلر؛ تبلیغات ائدرلر؛ اؤزلرینی بیندیرمه‌یه چالیشیب بول_بول دا یالان سؤیلرلر . حتی رقیبلرینه بؤهتان آتدیقلاری دا اولور.
بو، بوتون دونیادا بئله‌دیر.اقتدار، اقتداردا قالماق اوچون حاق‌سیزلیقلار ائتمیش، موخالیفت بون‌دان شیکایت ائتمیش‌دیر. سونرا، موخالیفت اقتدارا کئچینجه عینی حاق‌سیزلیقلاری اؤز ائتمه‌یه باشلامیش، بو سفر اولجه حاق‌سیزلیق ائد‌نلر عینی حاقسیزلیغا اوغرایینجا فریادی گؤیه یوکسئلتمیشلردیر.
پارتییالاردا اولکو یوخدور. اقتدارا کئچمک و یا اورادا قالماق اوچون  حدین‌دن آرتیق ایمتیاز وئرمک دن بئله چکینمزلر.
ساده دین‌سیز دئییل، عینی زامان‌دا تانری‌سیز بیر رئژیم اولان کوم‌مونیزم ایسه ایکینجی دونیا ساواشین‌دا آلمانلار قارشیسیندا توتونابیلمک اوچون دین‌دن یاردیم گؤزلمیش، سووئتلر بیرلیینین  خریستیان و موسلمان وطنداشلاری اوچون کیلسه‌لر و مسجیدلر آچیلیب دینی لیدئرلر سئچیلمیش‌دیر.
تورکچولوک، تورک میللیتچیلیینین دیر، اما هر میللیت‌چی تورک، تورک‌چو دئییل. میللیت‌چی‌لیک ب عمومی بیر دئییم‌دیر. هر نورمال اینسان آز چوخ میللیت‌چی دیر. تورکییه “نین بوتؤولویو و تهلوکه‌سیزلییی اوزرین‌ده حساس اولوب تورک میللتینه باغلی قالماق، شوبهه‌سیز کی میللیت چی لیک دیر . لاکین بئله میللیتچیلر آراسیندا خاریجی تورکلرله هئچ ماراقلانمایان، حتی اونلارین وارلیغین‌دان خبرسیز اولان، سیاسی سرحدلر خاریجینده تورک اؤلکه‌لری اولدوغونو بیلمه ین ، اسیر بیر تورک اؤلکه‌سینین قورتاریلماسی اوچون گؤزه آلیناجاق ساواشی ایستیلاچیلیق سایان نه قدر اینسانلار واردیر.
تورکچولر بوگونلوک آنجاق تورکچو کاراکتئری اولان پارتییالاری توتارلار. تورکچولوک دن ساپان و یا ایمتیاز وئر‌ن هئچ بیر پارتییا تورکچولرجه توتولماز، توتولا بیلمز. تورکچولویون نه اولدوغو آچیق، آشکار اورتادا اولدوغو اوچون بو گونکی توتوملاری ایله هئچ بیر پارتییا تورک‌چو دئییل.
کومونیستلیک دن حؤکم گئیمیش اولانلار، تورک میللیتچیلیینین کؤکونو قوروتماق اوچون کامپانییا آچمیش اولان پارتییالار، ایسلام بئینئلمیلئلجیلیغی ادعاسی گوده‌نلر ده همیشه میللیت‌چی اولدوقلارینی سؤیلیرلر.
تورکچولوک بو جور سهو میللیئتچیلیکلرین هامی‌سینی رد ائدیر..چونکی تورک میللتی بیر بوتون اولدوغو اوچون تورکچولوک آنجاق و یالنیز بوتون تورکلری ایچینه آلان بیر میللیتچیلیک ادعاسینی اولکو الده ائدر. تورکلر ایسه تورک سویون‌دان گلنلرله تورک سویون‌دان گلمیشلر قدر تورکلئشیب اؤزونو او سویا باغلایان و بئینین‌ده هئچ بیر خاریجی باریش دوشونجه‌سی اولمایان فردلرین بیرلییی ‌دیر.
تورکچولوک بو گون سیاسی دئییل. لاکین بیر گون سیاسی بیر قورولوش وضعیتینه گلیرسه بوتون تورکلری قورتاریب بیرلشدیره‌جک بیر پروقرام ایله اورتایا چیخاجاق. او زامان، شوبهه‌سیز کی، چاغی، وضعیتی و موحیطی قوللاماقلا بیرلیک‌ده بونلارا باغلانیب قالمایاجاق، بو قایغیلارین اوستونه چیخاجاق. دونه‌نین گئرچکلرین یئنی‌دن رئاللاشدیراجاق.
“تورک‌چو” سؤزو بو گون چوخلارینی اورکودوب ناراحات ائتمک‌ده‌دیر. بونون آلتین‌دا بیر ناسیزم، دیکتاتورلوق، قافاتاسچیلیق هیولالاری گورولمکده دیر.
تورکچولوک سؤزونون بو قورخونج حالا گتیریلمه‌سین‌ده یئرلی موسکو‌چولارین(کمونیستلرین) رولو بؤیوک اولموشدور. اونلار موسکوا نؤکری اولدوقلاری اوچون روسییانی یئره ووراجاق هر دوشونجه‌یه دوشمه‌ن، ایکینجی اولاراق تورکلویه گیزلی بیر قیساس بسله‌یه‌ن دئوشیرمه آرتیقلاری گلمک‌ده‌دیر.
ایر‌لی‌ده شرطلر حاضر اولونجا، قانونی پارتییالاردان بیری تورک‌چو پارتییا حالینا گلیر و یا بیر تورکچو پارتییا قورولارسا تورکچولوک او زامان سیاسته گیرمیش اولاجاق. بو دا اونودولمامالی‌دیر کی، تورکچولویون اقتدارا کئچمک اوچون موطلق پارتییا قورماسی لوزومو یوخ‌دور. تورکچولوک بئیینله و کؤنوللره شعورلا یئرلشدیک‌دن سونرا, پارتییاسی دا اولا بیلر.

یازار : حسین نیهال آتسیز

این مطلب را شیر کنید

Check Also

تلاش قزاقستان برای تقویت پیوندهای خود با جهان تو‍‍رک

به گزارش «سایت خبری تحلیلی _ بایداق »‌  آبزال سفر بئکولی، سفیر قزاقستان در آنکار …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن