خانه / تورکجه / ابوالفضل ائلچی بی

ابوالفضل ائلچی بی

بو گون ابوالفضل ائلچی بی ین دوغوم گونودور.سؤز سوز کی ائلچی بی آزربایجانین و تورک تاریخینده بایراقلاشمیش بیر شخصیت و اؤندردیر. او قوزئی آزربایجانیمیزین هم ایستیقلال رهبری هم ایلک دئموکرات پرئزیدئنتی همده بوتؤو آزربایجان یولونون اولو یول بایی دیر.

ائلچی بی بو گونکی دونیادا دئموکراتیک بیر آزربایجانین میلی تمل لر اساسیندا قورولان دؤولتچی لیک معماری و رهبری دیر.

اونون میلی دوشونجه سی سایه سینده آزربایجان میلی آزادلیق حرکاتی اؤز قورولوش شکلینی تاپیب و روس_سووئت ایمپئریاسینا قارشی باش قالدیراراق آزربایجان_تورک کیملیک و بیلینجی اساسیندا یئنی دن و گلیشمیش بیر شکیلده دونیادا وار اولدوغونو ثبوت ائتدی.

ابوالفضل ائلچی بی ین دوشونجه سی و سیاسی خطینده میلی لیک و دئموکراسی وحدته چاتیب و یئنی بیر دؤولتچی لیک مئتودونو اورتایا قویاراق گلیشمیش بیر آزربایجان و گوجلو بیر وطنداش جمعیتی مودئلینی اینشا ائتمه یه باجاردی.

اونون دوشونجه سینده میلیتچی لیک فاشیزم یوخ، یئنی لیک و میلی لییین بایراقچیسی و قوروجوسو اولاراق تانیتدیریلیب و میلی حیاتین تملی کیمی معرفی اولوندو.

میلی بیرلیک، میلی بوتؤولوک، میلی آزادلیق و دئموکراتیک بیر دؤولتچی لیک اونون آزربایجانا بوراخدیغی میراث دیر.

ابوالفضل ائلچی بی ین دوشونجه و داورانیشیندا تورکچولوک و آزربایجانچی لیق وحدت تشکیل ائده رک هم میلت دوشونجه سی، همده دؤولت پروقرامینین تملینی تشکیل ائدیب و یول خریطه سی ایله میلی آماجا چئوریلدی.

ائله بوناگؤره ده پارچالانمیش آزربایجان تورک دونیاسینی بیرلشدیره بیلمزدی، بؤیوک توران اوچون بوتؤو، دئموکراتیک، مدرن، گوجلو و چاغداش بیر آزربایجان گره کلی ایدی.

بی بو یول و دوشونجه_آماجین دوشونجه سل و سیاسال تمللرینی حاضیرلاییب و آزربایجان تورک میلتینه سوندو، ائلچی بی عؤمرونون سونونا قدر بو یولون و بو دوشونجه نین اوغروندا موباریزه آپاریب و اونو سیستئملی بیر شکیلده تبیین و تشکیلاتلاشدیرماغا چالیشدی.

نه یازیق کی آمانسیز خسته لیک و واختسیز اؤلوم ائلچی بیه بوتؤو آزربایجان آماجینی گئرچکلشدیرمه یه و حیاتا کئچیرمه یه فرصت وئرمه دی.

آما بونا باخمایاراق او بوتؤو، موستقیل، دئموکراتیک و تورک بیر آزربایجانین تمللرینی تئوریک و معنوی اولاراق حاضیرلاییب و بوگونکی نسله میراث بوراخماغا موفق اولدو.

بو گونکی نسله ایسه اونون ایدئاللارینی گئرچکلشدیرمک قالیر. چونکی ائلچی بی ین دوغرو و میلی یولوندان چاشماق، اؤزگه لره و قولدورلارا تسلیم اولوب و میلت اولاراق محو اولماق دئمکدیر.

این مطلب را شیر کنید

Check Also

قاشقایی و اونون فولکلورو

کتاب قاشقایی و اونون فولکلورو به معنی قاشقایی و فولکلورش نام کتابی ایست که توسط …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

من ربات نیستم *

کتابخانه دیجیتالی بایداق راه اندازی شد. برای دسترسی به کتابخانه از منوی کتابخانه بایداق استفاده نمائید. رد کردن